HeArTs Of Jesus And Mary PaRiSh

Nung una namin itong makita, nagustuhan na namin agad. Maliit lang yung church pero simple at makikita mo talaga kung sino yung mga nagsipag-attend sa mismong ceremony. On our wedding day, magkakaroon ito ng mga puting bulaklak at ito ang magiging pinakasayang lugar dahil dun sa altar, nandun maghihintay ang mahal kong honey sa pagdating ko.

BuLaKLak , PaKpAk At LaRaWaNg hiNdi KuPas

Hindi masyadong maaga ang pagkikita namin ni Maries kaya nagkaroon ppa ako ng time na i-print ang mga gusto kong flower arrangement sa wedding mula bridal bouquet, entourage at flower girls.

Sinundo ko sya sa office at una naming pinuntahan ang Quiapo since walking distance nalang naman iyon mula sa office niya. Nung una, wala talaga kaming makitang fairy wings pero nung makarating kami sa mga stalls malapit sa palengke at ilalim ng tulay na puro tindahan ng handicrafts, hah! merong wings! Dun lang pala nakakabili nun sa tindahan ng mga costumes. Bumili kami nang blue wings na 2 pieces sa halagang P 100.00 each.

Pagkatapos ay pumunta kami sa dangwa at nagpareserve na kay ms juanita. Ibinigay ko na yung pictures nung flowers at pinakitaan nya rin ako ng sample ng hydrangea. Oks naman yung shade ng blue and i think okay na yun. Yung bridal bouquet nga pala ay si bilo ang namili nung style.Bago kami umalis, binigyan ako ni ms juanita ng more than 16 pieces na red roses dahil nabanggit ko na birthday ko bukas. How sweet!

We went to goldilocks dahil bumili kami ng cake para kay LT at ms nelia ng BA Studio. Natuwa kasi kami sa service nila. Unfortunately, may sakit si LT at wala naman din sa studio si ms nelia kaya ibinigay nalang din namin yung cake sa kasamahan nya. Ibinigay na sa amin yunng CD proof nung pre-nuptial photo shoot namin. Kailangan naming pumili ng 20 shots para isama sa guestbook namin. Since sira ang pc nila, dun ko nalang tiningnan yung mga pictures sa bahay nila Maries. Ang daming magagandang shots and satisfied talaga kami. Si Maries nalang siiguro ang magbabalik nung 20 shots na napili namin kasi nahihiya na'ko mag-file ng leave sa office eh.

Eto yung ilan sa mga pre-nuptial pictures namin :

Taken at BA Studio. Yung last naman, sa Wild Life, Quezon City

DoNe : SoUvEniRs

Sobrang busy nang araw na ito pero i'm so glad dahil natapos na naming ayusin ang 200 pieces na souvenir. Mula sa pagtatali ng TY cards, pagma-mighty bond ng mga natanggal na roses, paglilinis ng mga dahon at pagsisilid ng souvenir sa loob ng box. Tinulungan ako ng mga magaganda kong pinsan na sina ate den-den at anjo. Si auntie luz naman ay kinarir ang pagsasalansan at pagbubukod-bukod ng mga dried flowers na ididikit sa invitation.

Nung una ay na-short ako sa silver strings kaya nagpasama ako kay bilo na bumili nito sa bayan. Nakakita naman kami agad sa halagang piso per yard. Mura sya in fairness. Nilibre ako ni bilo ng pamasahe sa tricycle at ng green tea C2. Sa totoo lang, mas mayaman ang batang ito kaysa sa akin. he he...

Nagtext din sa akin si kateh na may nakita syang fairy wings sa saint francis square - tiange. Grabe, na-touch nga ako eh. Naalala ako ni kateh kahit na naglalakwatsa sya. Sinend nya pa nga sa akin yung number ng tindero eh. Ayos! Sasabihin ko ito kay Maries. At least, aside sa divi ay may isa pa kaming option sa paghahanap ng fairy wings.

Simple but elephant este elegant...

Higlights:

*si ate den-den, maraming nasira na souvenir. Ang bigat kasi ng kamay eh. he he. Kaya sya na ang inassign namin na maghawak ng mighty bond at maging repair lady ng mga nasisirang souvenir.

*nagtago na ng dalawang souvenir si ate. Eto pa, ilang ulit din siyang nagpalit ng souvenir dahil humanap talaga sya ng pinakamaganda para sa kanya. Ayos!

*kaya kinarir ni auntie luz ang dried flowers dahil hindi kaya ni ate. Pang mga creative people lang daw yun, at sya ay pang souvenir lang...tiga-sira at tiga-dikit. He he.

AnG cHaLLeNges Sa iNvitaTion

Ano ba ang mararamdaman mo kung ang isang bagay na ineexpect mong maayos ay hindi naging ganun? Hay... as in haaaayyy talaga.

Ilang beses na'ko nagpupunta sa Recto pero hanagang ngayon ay hindi ko parin kayang pumunta ng mag-isa dun. Lagi kong nakakalimutan yung mga sinasakyan eh at saka kung saan bababa. Buti nalang free na si Maries nung gabi kaya sinundo ko nalang sya sa office nya at sabay kaming pumunta sa Recto para sa invitation.

Pagdating sa Recto, pinakita sa amin ni John Rey yung Lay-out. Nung una, sobrang satisfied na ako hanggang sa nagkaroon ng konting problema. Hindi nasunod yung size nung folding na gusto ko. Naiintindihan ko naman na kung ganun kakipot yung fold, eh hindi narin magkakasya yung mga letra. La lang. Siguro masyado lang akong nag-expect na okay na talaga yung requirement ko. Feeling ko tuloy, palpak. Medyo nainis nga rin si Maries eh kasi ang gulo-gulo na nung usapan naming tatlo hanggang sa natapos yung usapan na medyo magulo parin. Itinago na kasi ni John Rey yung sample eh mali nga yun. Nagkasundo kami verbally pero yung sample ay hindi naman nabago kasi itinago nya na agad. Wiish ko lang matandaan nya yung mga pinag-usapan namin.

Kaya tuloy nung nagdi-dinner na kami sa Jollibee Blumentritt, nawalan na ako ng gana. Wala ngang kumikibo sa aming dalawa kasi nakakainis talaga. Hmp! Di bale, creative naman kami ni Vhalle eh. Mag-aadjust nalang kami pagdating sa design.

Hinatid ako ni Maries hanggang sa bayan dahil pinabitbit ko narin sa kanya yung ibang souvenirs. Since merong long weekend, aayusin ko na yung souvenirs.

ThAnK yOu CaRdS 4 d iNviTaTioN

Hindi ako umattend ng Toastmaster dahil feeling ko ang dami ko pang gagawin. Nung tinawagan ko kanina si John Rey, hindi pa raw ready yung layout nung invitation kaya naisip ko nalang na asikasuhin na yung mga TY cards for the souvenir. Hiningi ko rin ang tulong ni kateh, ms. grace at pinky. Buti nalang talaga at nagpa-late na sila ng uwi kung hindi, kawawa naman ako. Nag-order kami sa wendy’s for dinner dahil sobrang gutom na kami. Sana lang, sa pagiging busy namin ni pinks ay hindi nagtatampo si mai. Medyo badtrip yata sya kanina pagkagaling sa toastmaster eh.

Ang mga T.Y. Cards with our picture as background, may silver string at binutas namin ito ng ticket puncher.

FaMiLy pLaNNiNg SeMiNaR

7:41 am palang ay nag text na sa’kin si Maries. Sabi nya “hon, nasan ka na? Nandito na’ko (sa Jollibee Tayuman)..he he joke lang. Kita nalang tayo”. Aba! Ang yabang ng honey ko. Eh pa’no, sinita ko na kasi sya dahil late sya palagi. He he. In fairness naman, maaga sya talagang dumating.

Dahil 11:00am pa ang sched namin sa QC Hall, pumunta muna kami sa Recto para I-check yung lay-out nung invitation. Unfortunately, dahil marami raw client si John Rey para sa December weddings, nakiusap sya na kung pwede ay bukas nalang. Okay.

Since past 9am palang naman, nag-decide kami ni Maries na dumaan muna sa National Bookstore sa Morayta para bumili ng ticket puncher, silver string at mighty bond na gagamitin namin sa pag-aayos ng souvenir at invitation. Ang hirap hanapin ng silver string. Nagalugad na namin yung buong National pero wala talaga. Bigla kong naalala yung Miranda Store na kahilera lang din ng Mc Do at Burger King sa Morayta. Ang tindahan na luma pero maraming strings and laces na tinda. Hindi nga ako nagkamali. Nakabili kami dun ng silver string na 25 yards. Yey! At least yung fairy wings nalang ang kulang.

After nito, nagpunta na kami sa QC Hall at agad na nagparegister sa Health Department para sa Family Planning Seminar. 15 couples lang pala per day ang kaya nilang I-accommodate at pang-lima kami sa registration. Buti nalang dumating kami at around 11am. Ang seminar daw ay magsisimula ng 1:00pm. Since maaga pa, naghanap kami ng makakainan at napadpad kami sa Mc Donalds para mag-lunch.

Before 1pm, bumalik kami sa Health Department at naghintay sa upuan sa labas. Ang tagal din naming naghintay eh mainit pa naman. Si Maries nga sumisipol pa para lang magtawag ng hangin. Nakikisipol din ako. (Parang mga bata). May mga moment na nakapikit lang ang honey ko at natutulog habang ako naman ay nangungulit at humihila ng mala-glitter na dumi sa braso nya. He he. Syempre naiinis sya kasi magulo ako.

Nung magsisimula na ang seminar, pinapila kami according to our registration number. Syempre ang yabang namin kasi medyo sa unahan kami ng pila – number 5. Yung nagpapapila dun ay isang tao na medyo maingay ang boses. Mainit na, maingay pa sya kaya nakakainis. At eto pa, nung pumasok na kami sa seminar room, maliit lang yung room at dalawa lang ang electric fan. Imagine, dun lang kami sa loob mula ala-una hanggang alas-quatro ng hapon. Yung notes ko nga eh double purpose, sulatan na and at the same time ay pamaypay.

Ang masasabi ko lang, hindi rin masisisi ang mga participants kung konti lang ang ma-absorb nila sa discussion dahil hindi maaliwalas ang paligid. Yun lang.

Meron naman akong natutunan kahit papano. Family Planning is not only about “contraceptives” and having the right number of children. Part lang yun nung topic. Family Planning is about responsible parenting. Yung tipong, bago kayo lumagay sa tahimik, alam nyo na yung vision nyong mag-asawa. From the word planning, dapat alam nyo na kung ano yung S.M.A.R.T. na plano. Planong may patutunguhan at hindi puro pangarap lang. Gaya ng pagkakaroon ng sariling bahay, lupa, kotse, mapag-aral ang mga anak, ilang anak, arrangement nyong mag-asawa regarding pera or sweldo, pagtatrabaho, spiritual life nyo like parehas ba kayo ng paniniwala na dapat sabay nagsisimba at nagdarasal ang isang pamilya or okay lang na hindi? Na-realize ko na ang dami pa naming dapat pag-usapan ni Maries. It would take time para ma-discuss lahat pero at least malaking tulong rin ang naibigay ng seminar na ito.

Yung last speaker pala ay isang midwife. Okay naman yung discussion lalo na yung pagbibilang ng araw kung kelan pwedeng magbuntis at hindi ang isang babae. Eto pa ang cool sa discussion. Meron din palang ways para maging girl o boy ang ipagbubuntis mo. He he…Ayos.

At around 4:00 pm, natapos din ang mainit (literal) na discussion. Takbo agad kami ni Maries sa Miss na nagse-xerox. Ipina-xerox namin ang certificate at application form for marriage license at dali-dali kaming pumunta sa civil registry. Naghahabol narin kami sa oras dahil malapit nang mag-close ang opisina. Ang layo pa naman ng civil registry mula sa health department. Para ngang U.P campus ang QC Hall na tipong malalayo ang mga building. Pagdating dun, nagpa-notaryo pa kami sa halagang P100.00. Ipinasa ko sa window 10 thru Manong Edong ang mga requirements at sa wakas, ang sabi ni Manong Edong ay “ Balikan mo nalang ung Marriage License sa December 5”. Nakahinga kami ng maluwag dahil for pick-up na ung license after 10 days. Hay salamat.

Nung gabi, kita-kita with college friends sa Megamall. Nakita uli namin sina Cherry, Stanley at Grace. Daldal at kain to the max kami sa Congo Grill El Pueblo. Lahat ng kinain namin gaya ng sizzling pork sisig, hipon (gambas yata ang tawag dun), syempre rice samahan mo ng iced tea at green mango shake … lahat yun, treat ni Stanley. Na-promote kasi sya bilang manager at birthday nya sa November 26.

Nakakapagod ang araw na ito pero sobrang nabawasan kami ng tinik sa dibdib dahil dalawa nalang ang hihintayin namin bago kami bumalik sa church : ang marriage license at ang wedding banns.

Checklist:

Marriage License – December 5, 2005
Wedding Banns – December 14 & 15, 2005

PrE-nUpTiAL PhOtO ShOoT aT BA StUdiO & WiLd LiFe Q.C.

Nagkita kami ni Maries sa dati naming meeting place – Jollibee Tayuman. Buti nalang late sya kaya naisulat ko na yung ibang kokopyahin ko para itransfer dito sa babs inc. After kong tunggain yung huling hot choco na medyo malamig na, umalis kami kaagad papunta sa Recto.

Pagdating sa Recto, dun sa Niño’s print haus, naghintay pa kami ng konti kay Sister John Rey, ang nag-aasikaso ng invitation namin. Ang nakakatuwang bading ay nagbayad pa pala sa meralco. Padating namin, ako naman ang bumawi sa kanya. Sabi ko “ Bakit ngayon ka lang?” he he… Medyo napatitig ang lola mo paano iniisip nya siguro kung may pending pa ba sya sa amin. Inunahan na namin sya. Binigay namin yung sample nung invitation na gagayahin nya yung size nung pagkakatupi. Saka nakahinga ng maluwag si John Rey. Sabi nya” Akala ko may gagawin pa tayo..napaisip tuloy ako”. he he. So umalis na kami agad at babalik kami sa Wednesday to check yung final lay-out. For printing na kasi yung invitation sa Friday para makapag-schedule na ako ng overnight.

Nakapag-print narin ako ng thank you cards na isasama sa souvenir. Nagustuhan ni Maries. Ang gagamitin kong board paper ay yung plain yellowish white kasi hindi sya bagay dun sa kulay blue na printed with leaves.

Sunod naming pinuntahan ay ang BA Studio. Around 9:20am ay nandun na kami kaso isa pa lang ang tao sa studio. Matagal bago dumating si LT, ang aming official photographer. Si Maries nga natulog na sa kinauupuan nya. Kung sabagay, what’s new? Eh lagi namang natutulog yun basta may pagkakataon. Nung dumating na si LT, si Arthur naman ang wala pa. Si Arthur ang aking make-up artist. Na-delay sya ng dating dahil sobrang traffic daw. In short, around 11:00am na ako naayusan. Ang ganda ng pagkakaayos nya. Itinaas nya yung hair ko. Nung una nga, parang hindi ko feel na may nakalaylay na hair sa noo ko pero nung pinag-compare namin yung sobrang nakataas na hair, mas nagmumukha akong payat dun sa nauna nyang ayos. Ito daw ang iaayos nya sa akin kung kukunin ko syang make-up artist sa wedding ko.

Si Maries ... Tulog na naman.

Syempre ako, nagpapacute habang wala pa sila.

Eto pa ang nakakatawa. Habang inaayusan nya ako, nasa kabilang side naman ay nag-aayusan din ng hair ang mga makukulit na photographers na sina Belinda, LT at yung isang girl na hindi ko na natanong yung name. He he… Wala lang, nakialam narin sila ng gamit ni Arthur at salitan sila sa pagpaplantsa ng hair. Ang kulet.

Dalawa ang naging outfit namin ni Maries. Yung una, wedding gown na provided ng studio, medyo may net pa nga yun nung una sa may taas ng dibdib. Ang pangit ng effect kaya napagkaisahan naming gupitin ang upper part ng gown para mas maganda tingnan. I hope wag magalit yung may-ari. He he…Si Maries naman ay naka-black suit. Walang kahirap-hirap samantalang ako, sikip na sikip sa manggas dahil nagpupumutok ang braso ko. Yung pangalawang attire namin ay casual. Naka-blue blouse ako (my graduation blouse) and khaki pants courtesy of Ellen. Si Maries naman ay naka-blue polo and khaki pants.

Masasabi kong very professional si LT kasi hindi sya nawawalan ng ipapagawa sa amin. She also knows pag hindi na masyadong maganda. Sinasabi nya “Sir, hindi na po kayo nakangiti” or “Ma’am relax lang po kayo” or “Sir, wag po masyadong ngumiti, nawawala na po yung mata nyo” he he… Ang dami pa naming props sa studio. May duyan, hagdan na pwedeng pagbalibaligtarin, upuan na maliit at mala-cleopatra chair at ang da best ay ang mga back drop nila. Meron pa dun na parang sa meteor garden na puro flowers at stars.

Bago pala kami mag-casual wear, inayusan uli ako ni Arthur. Syempre yung pang-casual naman. Ang ganda nung spray net nya, suave spray net. After gamitin, pwede mong suklayin ang hair mo ng walang masyadong aray. Kinulot naman nya yung dulo ng hair ko.

After sa studio, around 2:30pm, kumain muna kami ni Maries sa Golden Fortune. Ang tagal naming pumili ng kakainin kasi pilit naming inaalala yung nakalagay sa malaking bowl na pinakain nila moby at kateh. Yung kulay brown na ulam. Fortunately, nahanap din namin at yun ang inorder namin. Nakalimutan ko uli kung anong tawag dun. Wala nga lang mango shake dahil sira ang blender. Sayang.

At 3:20pm, balik studio na kami. Sumakay kami ng taxi : ako, honey ko, LT and Arthur. Instead of Baywalk, we decided to go to Wild Life in Quezon City. Mas marami kasing magagandang tanawin dun. Dahil pagod kaming lahat, lahat kami ay nakaidlip sa byahe. Sa tabi ng driver si LT, sa likod ng driver si Maries, ako sa gitna at sa right side ko si Arthur na may bitbit na big red maleta. As in literal na giant kikay kit.

At Wild Life, we paid P8.00 entrance fee for each pax and bago ang picture taking, nagmake-up uli ako. Medyo iniba ni Arthur yung kulay ng eye shadow ko and sinuklay nya yung hair ko dahil hindi narin kulot yung kinulot nya kanina.

Para kaming nasa isang malaking studio. Lakad dito, lakad duon. Pose dito, Pose doon ang drama namin. Meron pa nga kaming nakitang couple na may kasama ring photographer. Nakakapagod maglakad pero sulit talaga. Ang pinaka-gusto kong shot ay yung sa tulay. Medyo palubog narin kasi ang araw kaya iba ang lighting effect. Pinaupo ako sa parang maliit na post tapos si Maries naman ay nakatayo sa harap ko. Pinag-nose to nose kami. Naka-ilang shots din kami. Sabi ko nga, siguro silhouette yung effect nun. May part pa na nag-bend ako at naka-alalay naman si Maries habang kini-kiss nya ako. Parang sa ballroom dancing, yung final step na magkakapit kamay yung partners tapos biglang liliyad ala pilita corales yung girl. Tapos, magki-kiss. Nakakangalay ha pero feel na feel ko (ang sakit ng likod ko).

Past 5:00pm, tapos na yung photo shoot. Pinakita ni LT sa camera nya yung mga shots and we loved it. Nag-exceed sya sa expectations ko and we’re really happy with the results. Sa amin na lahat ng mga pictures since it will be stored in a cd. Mamimili lang kami ng 20 pieces pre-nup pictures para ilagay sa guestbook. Babalik kami sa BA Studio by Monday, Novemebr 28, 2005 to get the cd and choose 20 pictures.

I hope na maging maganda rin yung pictures ni LT sa wedding. Then si Arthur naman, dahil sobrang maasikaso at magaling, sya na ang kukunin ko for my wedding. Iba talaga ang nagagawa ng customer service.

Nung pauwi na, nag kanya-kanya na kami ng uwi. Nag – FX si LT at Arthur, kami naman ni Maries ay pumunta pa sa SM Fairview para magmeryenda. Sumubok uli kaming maghanap ng pakpak ng fairy para sa mga flower girls pero wala kaming nahanap. So, sa divisoria na nga lang talaga.


Highlights:

*Habang nakasakay kami ng jeep papuntang BA, may ale na sumakay na may bitbit na mga pakpak ng fairies. Tinanong namin kung saan sya nakabili, sabi nya nagtitinda daw sya nung pakpak sa Yangco. Sa may Tabora. Ang galling naman ng pagkakataon. Pupunta ako dun with friends some other time. I consider this as God’s way of helping us dahil nahihirapan na talaga kaming maghanap ng wings for the flower girls. Ang galing noh.

*Yung printing ng excess na wedding pictures if ever dun magpapa-print ay P6.00 ang isa.

*Dahil satisfied ako sa service ni Arthur, kukunin ko na syang official hair & make-up artist ko sa wedding.

*Sabi ni Maries nung umaga, sana raw ay sinama ko si mai para nakanood din. Pwede naman daw isama yun kahit saan. Sakto namang nag-text itong si Mai bandang hapon nung nasa wildlife na kami at nangangamusta. (ano yun, friend’s instinct?)

Checklist:

Hair & Make-up – Arthur 9403417

WeDdiNg BaNn, GoWn MeAsUrEmEnT & OuR nEw ApArTmEnT

Maaga akong nagising kasi gumawa na ako ng samples ng thank you cards. I hope magustuhan ni Maries. Sa mga samples na ginawa ko, pareho ng gusto si bro at bilo.

Around 10:45am, nagpunta kami ni Bilo sa Ina ng Buhay Parish para ibigay yung wedding bann. Si Ms. Jackie ang kumuha nun at pinababalik nya nalang ako ng December 14, 2005. Kailangan pa kasing i-announce yun for three consecutive Sundays eh. Natuwa nga ako kasi nakilala agad ako ni Ms. Jackie. Sabi nya “ Diba ikaw yung lector?”.

Nakita ko rin sa church sina Ms. Laura at Thet. Sila ang mga kasamahan ko sa Lector and Commentators Guild. Nakakahiya nga eh kasi hindi na’ko nakakapagparticipate sa mga activities and meetings. Hindi narin ako nakakapagbasa sa church. Humingi nalang ako ng paumanhin sa kanila. At least, nakita nila na may inaasikaso talaga ako.

Sinundo namin ni Bilo si Ate Fe after naming magpunta sa church. Marami kasing mga abay na susukatan kaya tinipuntipon namin silang lahat sa bahay nila Maries sa Tondo. Yun ang pakay namin kaya kasama si Ate Fe, sabay-sabay kaming bumiyahe papuntang Tondo. Dumaan muna kami sa Tayuman since may imi-meet pa kami sa Jollibee ng 1:30 pm. Ang bilis kasi ng byahe namin kaya qurter to 12nn pa lang ay nasa meeting place na kami. Kailangan pa naming hintayin si Cherry (college friend namin ni Maries) at si Ate Chit (partner ni Ate Fe sa pananahi ng gown).

Habang naghihintay ay kumain muna kami sa Jollibee. Ang nakakahiya pa, si Ate Fe yung nagbayad nung kinain namin ni Bilo. Mapilit kasi sya. Eh sino ba naman ako para tumanggi. He he… Pero sa totoo lang, nahihiya talaga ako.

Dumating agad si Ate Chit pero wala pa si Cherry. Nung nagtext sa ‘kin si Che, malayo pa raw sya kaya nag-decide kaming apat na mauna na. Sumunod din naman si Cherry after a few minutes tapos sinundo ko nalang sya sa pure gold gamit ang padyak ni Mang Johnny.

Ang mga sinukatan ay sina mae (sister in-law to be), cherry, rosette, janis & ging (mga pinsan ni Maries). May isa pang hindi nakahabol dahil sumakit ang ulo ng mommy Tess nya, si Sam. Fairview pa kasi sila manggagaling eh.

After nito, pumunta ako, si bilo at honey ko sa dagat-dagatan para tingnan yung sinasabi nila tita Gina na apartment na malapit sa kanila.

Nakilala namin si Ms. Vine. Sya yung may-ari ng apartment at sa tingin ko naman ay mabait sya. Teacher daw sya sa Kaunlaran Elementary School. Sinilip namin yung bahay pero hindi namin masyadong nagalugad dahil may nakatira pa. According to Ms. Vine, aalis din naman daw yung nakatira dun by last week of December dahil lilipat din sila sa pinagagawa nilang bahay sa tapat lang nung apartment.

Cute yung house. Bungalow type na may dalawang kwarto sa loob. Maayos ang kusina at maganda ang banyo. Tungkol naman sa kuryente at tubig, kanya-kanya ang pagbabayad. Kumbaga, may sariling metro. Okay si Ms. Vine, two months advance lang ang hinihingi nya at wala nang depo-deposit pa. Ito yung sinabi nya na natuwa kami ni Maries:

Ms. Vine : “Kung dumating yung Bill sa kuryente at wala pa kayo, kahit ako nalang muna yung magbayad kasi ayoko ng napuputulan (ng kuryente)”.

Ayos! Saan ka naman makakakita ng ganun? May pagmamalasakit.

Kukunin namin ni Maries yung house. Malaki rin ang advantage dahil malapit lang yung bahay kina Tita Gina (tita ni Maries). At least, kung kailangan namin ng tulong, may matatakbuhan kami. Hopefully, by last week of December ay makapaglipat na kami ng mga gamit (kung may ililipat na gamit. He he.). Gusto kasi namin, before the wedding, nakahanda na yung titirahan namin.

Ang dami naming na-accomplish today. Na-appreciate ko rin yung pagsama sa akin ni Bilo kahit na medyo pinilit ko lang sya na sumama. He he…

Pag-uwi namin sa bahay, ginawa ko pa yung assignment ni Bilo about pollution. Natapos na yun around 11pm. Nag-print narin ako nung thank you card design na napili ni Maries, Bilo at Reagan. Ipapakita ko yun bukas sa honey ko.

Highlights:

*2pm na, hindi pa nagla-lunch si Cherry kaya kina Maries kami kumain. Lunch sa kanya at meryenda naman ang sa amin ni Bilo.

*Estimated guests naming ay 486 pax. Nyak! Kailangang maayos ito kundi ay maghuhugas kami ng pinggan sa shang.

*Nag-dinner kami kina Tita Gina – Longganisa with kamatis, Tocino at Menudo ang ulam.

*Ang ganda ng bagong bahay nila Tita Tebs. Sana mapaganda rin namin yung magiging bahay namin.

*I have discovered na magaling mag-sketch ng damit si Ging (pinsan ni Maries). Feeling ko, magkakasundo kami kasi mahilig din ako sa mga art-art na yan.

Checklist:

Wedding Bann – get the copy on December 14, 2005

Gowns – si Sam nalang ang hindi nasusukatan at kailangan rin palang sukatan uli si Marichell dahil may hindi pa nasusukatan sa kanya. Arm hole yata pero tube ang damit eh…

Apartment – Meron na. Ayos! Maglilipat na kami ng gamit hopefully last week of December.

InViTaTiOn PrOoF rEaDiNg & PrE-cAnA sEmInAr

Umaga, pinuntahan ko agad si mommy sa Bambang para papirmahan yung parent’s consent form na required sa city hall. Yehey! Isang seminar nalang at pwede na naming ituloy yung application for marriage license.

At around 10:30am, nagpunta kami sa Recto for the proof reading of our invitation. Pagdating sa Niño’s print haus, aba etong bading na si John Rey eh nakatigtig lang sa akin at seryoso. Sabi nya:

John Rey : “ Oh! Anong ginagawa mo rito?!”

He he…ang taray ng lola mo pero natawa ako dun ha. Tarayan ba naman ang kliyente. Iba talaga itong si John Rey. After ng proof reading, kailangan parin naming bumalik kasi nabitbit ko sa bahay yung sample na invitation na gagayahin nya. Baka by Monday nalang ( Nov 21) namin idaan sa kanya. Dapat sa Friday ( Nov 25 ) ay ready for pick-up na ang mga invitation dahil magyayaya ako sa mga friends ko na mag-overnight sa bahay sa Sabado ( Nov 26). Kailangan yun para may makasama akong magdikit ng mga flowers at card sa invitation and thank you cards naman sa mga souvenirs.

Before 12nn, Nasa Mc Donalds na kami near West Avenue. At dahil lunch tme narin, umorder na’ko ng chiken with rice for my honey and chicken nuggets naman sa akin. This time, may rice narin yung sa’kin. Sarap. Umulan ng medyo malakas eh wala kaming payong kaya nagtaxi nalang kami. Ito palang taxi na nasakyan namin ay galling din sa simbahan at may hinatid na couple na aattend din ng seminar. Ayos nga eh kasi nung naghihintay kami sa church para sa seminar, natanaw uli namin yung taxi na may iba namang couple na hinatid. Okay na okay ang pasada ni manong. Aba, P40.00 din yata yun kada balik nya. Hindi na masama.

Around 12:30nn, nasa meeting room na kami. Ang daming chairs at unti-unti ring napuno ng maglovers ang lugar. Sa tancha ko, mga 35 couples or more kaming lahat. Bale, mga 70 pax or more. Ang dami. Once a month lang kasi ang pre-cana seminar kaya kung hindi hindi ka makaka-attend, baka mai-adjust pa ang wedding date.

Nung una, may guy na nagpa-preview ng AVP. Siya yata yung may ari nung photo-video service na pine-present nya. Hindi yun part ng seminar pero ayos ang strategy nya. Negosyante nga. Ewan ko lang kung may nagpa-reserve sa kanya after the seminar.

Nakakaantok yung seminar pero in fairness, marami akong natutunan kahit papaano. May naisulat pa nga akong quote eh :

“The goal of marriage is not to be a success but to have your relationship according to the plan of God.” Tama nga naman. Hindi naman lahat ng relationship perfect diba pero kung ang pamilya nyo ay sumusunod sa kung ano ang kaaya-aya sa paningin ng Panginoon, okay na yun.

Apat ang speakers. Okay magpatawa yung 3rd speaker specially nung nag-discuss na sya about different personalities. Si Maries ay flow with and formal. Ang tawag sa kanya ay Analyst. Ito yung tipo ng tao na de-numero or sobrang madetalye sa lahat ng bagay. Ako naman, flow with and informal. Ang tawag sa akin ay Supporter. Ako naman daw yung tipo ng tao na handang umagapay or ibigay ang lahat ng aking makakaya para makatulong pero hindi dapat sobra kasi baka naman martir na ang kalabasan nun. He he…

Ang meryenda namin ay mainit at masarap na empanada at malamig na pineapple juice in can. Medyo nairita pa nga kami ni Maries dun sa babaeng matangkad na bigla ba namang nag-overtake sa harap ko para kumuha ng food. Sabi pa nya “ Excuse me! Excuse me!”. Nakakainis talaga. Hello! Kukuha rin kaya ako ng food. Tama bang hawiin ako. Kinuha nya pa yung food na kukunin ko. Para namang mauubusan sya. Hmp!

Nung pauwi na, dumaan pa kami sa National bookstore at bumili ng board papers na gagamitin namin sa paggawa ng thank you cards and location map. Nakakuha narin kami ng nylon na pangtali sa card pero hindi elastic. Hahanap nalang din siguro kami sa iba pag may mas magandang pangtali. Wala kaming nakitang pakpak ng fairy para sa flower girls. Kung alam ko lang, sana bumili na’ko nung Halloween pa lang. Ang dami nun sa mall eh.

Highlights:

*Ang antuking si Maries ay napapapikit nung seminar kaya kinukurot ko nalang para magising.

*Masarap yung meryenda.

*Lagi nalang umuulan kapag kasama ko si Maries papuntang simbahan.

*For dinner, kumain kami ng masarap na pancit canton at beef pares sa retiro bago kami umuwi. Solve na solve. Ang sarap.

Checklist :

Pre-Cana Seminar – done – November 19, 2005
Invitation Proof Reading – done – to go back on November 21 to give the actual size sample.

MgA fLoWerS sA dAnGwA

Nag-email ako sa supplier ng flowers na ni-recommend ni Johnny from Hearts of Jesus & Mary Parish, pero hanggang ngayon, hindi parin sya nagrereply.

Ewan ko ba, siguro masyado lang talagang malakas itong instinct ni Billie (second time na ito. Naalala ko yung sa kumpil, sya rin yung tumulong sa akin). Sya ang nag-email sa akin regarding flowers kahapon. Kaya after ng mahabang palitan ng e-mail regarding schedule, na-finalize namin na ngayon na magpunta after office.

Since nasa pier 18 ako, pumunta pa ako ng TP para i-meet si Billie. Ang dami naming daldal nung nasa jeep palang. Naisingit pa nga si Benj sa usapan eh. He he…

Pagdating namin sa Dangwa, naglakad-lakad kami at tumingin-tingin lang muna. Para nga kaming naglalaro kasi tawid kami ng tawid mula sa kabilang kalye papunta sa kabila. In fairness, ang gaganda ng mga flowers. Pati nga yung poste hugis flower ang ilaw eh. We went to 3 different suppliers. Yung una, medyo masungit . Umabot sa 5k yung quotation nya. Yung pangalawa naman, okay sa customer service kaso ang bagal magsulat ng quotation. Na-compute na ni Billie lahat, pero si ate eh nagsusulat parin. He he. Umabot naman yun sa 5,300 pesos.

Yung last supplier, si Juanita, medyo masungit tingnan nung una. Nung nilapitan namin sya, hindi pala dun ang pwesto nya. May kinuha lang syang sandamakmak na red roses at tumawid sya sa kabilang kalye. Syempre, nakabuntot naman kaming dalawa sa kanya. Ang hirap palang pumili ng bulaklak lalo na pag ang alam mo lang ay roses, sampaguita, sunflower, gumamela at santan. He he. Ako kasi ganun. Buti nalang nandun si Billie para makipag-negotiate. So, umabot sa P4,350.00 ang quotation nya. Free delivery pa unlike sa naunang dalawang suppliers na may additional charges. Napanatag din yung kalooban ko nung sinabi nyang “Hindi kayo mapapahiya sa akin”. Sana nga talaga hindi. Ang sabi namin, ikokonsulta muna namin kay Maries. So, umalis na kami.

After canvassing, gutom na gutom na kami. Napagkasunduan naming kumain nalang sa Mc Donalds malapit sa UST. Ang lugar na isa sa mga kinakainan ni Billie nung nag-aaral pa sya. Since pareho kaming nagdi-diet, chicken nuggets lang and soft drinks ang kinain namin. Wow! For the first time, nakayanan kong kumain ng ganun lang. Napag-usapan rin namin si Juanita, yung 3rd supplier. Kung ako ang tatanungin, gusto ko na sya. Mura yung flowers and free delivery pa.

Iko-convince ko si Maries na dun nalang kami kumuha. Wish ko lang maalala ko yung mga bulaklak na pinag-usapan namin at sana ay makabalik rin ako sa stall na. Parang ganito yata yung napag-usapan :

Bride – wedding bouquet - white roses & hydrangaea

- Throw-away bouquet – white roses

Maid of Honor /Secondary Sponsors/Bridesmaids – 3 white roses with 3 assorted colors of gerbera.
Mula sa iba’t ibang bouquet na pinlano namin, we came up with 19 bouquets na pare-pareho nalang ang style. Kasama na dito ang mga ninang at ang dalawang nanay.

Ninong / 2 Daddys – Rose buttoners ba o butoneirs?

Flower girls – 2 sets – headset and ala fairy wand na malaysian mums.

Bridal Car – Bahala na sila besides wala parin namang car. haaayyyy...


Para sa akin, pwede na ito. Maganda naman lahat ng flowers for me eh. Hindi naman ako pihikan basta ‘wag lang yung lanta. He he. Kapag napag-usapan na namin ni Maries, babalik ako sa kanya para magbigay ng down payment.

Highlights:

*Si Billie, tulips ang gusto para sa wedding nya. Ang sabi ko naman, okay lang. Ipasagot nya yung bayad sa asmira. He he…

Checklist:

Flowers – Ma. Coleen Flower Shop c/o Juanita 4932712

CaNoNiCaL InTeRviEw & PrE-mArRiAgE CoUnSeLiNg

Na-late si Maries sa pagpunta meeting place namin, Jollibee Tayuman. Nakakainis pero syempre, nung nakita ko na sya, nawala na ang inis ko. Daanin ba naman ako sa ngiti. Hay naku.

Quarter to 10am palang ay nasa West Avenue na kami. Eh ang canonical interview ay naka-schedule ng 11am. So we decided to eat at McDonalds. Parehas kaming nag-longga meal. At dahil sa sobrang bigat nya sa chan, napag-usapan namin na yun na ang lunch namin.

10:30am, nasa church office na kami. We talked to Johnny at pinagsagot nya kami ng 5 0r 6 paged questionnaires. Kakaiba, may essay pa. Questions like What is commitment? Family? Love? What are your responsibilities? Tapos meron ding multiple choice. Ang mga naaalala kong categories ay tungkol sa In-laws, Relationship, Children, Money at Sex. Meron pa nga dung question na “Kapag ayaw makipagtalik ng aking mister/misis ako ay” :(a) manonood ng TV (b) matutulog (c) mang-aakit (d) others - he he…Ang kulet diba. Letter B ang sagot ko. He he…

Hindi pa kami natatapos sa pagsagot nung pinatawag na ako nung pari. Si father Betong yata. Okay naman mabait naman sya. Tinanong nya nga ako kung sigurado na raw ba ako, he he…at kung may nagpilit daw ba sa akin. Ang hindi nya alam, ako ang nagpilit kay Maries. He he… Tinanong nya rin ako kung saan kami titira. Actually, saglit lang yung interview , siguro wala pang 20 minutes. After ko, si Maries naman.

After the canonical interview, we went straight to Quezon City Hall. Since busog pa naman kami, diretso na agad kami sa Civil Registry para mag-apply ng Marriage License. Kailangan lang pala ng photocopy ng baptismal or birth certificate, pictures ( 2x2 or 1x1) at cedula. Wala kaming cedula kaya bumili pa kami sa kabilang building. Ang mahal ng cedula. Lagpas ng limang daang piso yung sa aming dalawa. Eh limang piso nga lang yun sa gilid ng UN ave eh. Nung pinasa ko yung requirements, tinanong ni Ms. Linda sa window 10 yung age namin. Ako 24 at 25 naman sya. Were advised that we have to attend a pre-marriage conselling. Bukod pa yun sa Family planning seminar. Kaya after kong magbayad ng P150 para sa Application Form ng License eh agad agad kaming umalis at lumipat sa PDSS YAKAP Center. Binigyan nga rin pala ako ng form na dapat papirmahan sa magulang, parental advise yun. Akalain mo yun, kailangan pa pala yun pag below 25 ka, eh magbebente singko na’ko sa November 29 this year. Corny talaga.

Pagdating sa Yakap Center, may nakita kaming 2 couples. Nagsasagot na sila ng form. When we asked kung nasan na yung counsellor, nag-lunch daw (at past 1pm yun ha) so we waited long just to have the forms. As in ang tagal, habang ang ibang mga employee ay chumichika lang at nagtatawan. Haayyy…sabi pa nga nung isa, “Ba’t kasi sila na-late. 1pm yung start eh” eto pa ang isang komento...” Wala pa kasi sya. Antay nalang kayo sa labas” Grrr…Buti nalang nung medyo naiinip na kami ay may biglang bading na employee na nagsabi sa mga kasamahan nya, “O sa seminar sila? Kanina pa yata nag-iintay. Bigyan nyo nalang ng form” At may isang babae rin na mabait na nagbigay sa amin ng form para makapag-fill-up. Yung form pala ay questionnaire. Nakalagay ito sa luray-luray na brown folder at ang mga questions ay kahawig din nung sa church. Isa lang yung folder na binigay eh dalawa kaya kami. Buti sana kung letter lang ang isasagot sa multiple choice. Eh letter daw tapos isusulat din yung sagot sa bond paper na manipis (tracing paper siguro). So pumasok ako sa office at nanghingi ng isa pang folder. Sabi nung isa” Mag-share nalang kayo” Aba naman! Nagmamadali na nga kami, balak pa kaming paghatiin sa questionnaire. Medyo napatigil ako at ilang Segundo rin akong hindi gumalaw habang nakatayo. Hindi ko sure kung napansin nila na sumimangot ako. Before I went out, sabi nung isa “ Maraming questionnaires jan. Bakit mo naman ipagdadamot – (referring to her co-employee). O miss kuha ka nalang tapos itanong mo nalang sa ibang couples kung anong instruction ang binigay sa kanila. Wala pa kasi yung counselor eh.”

So, mega sagot na kami at nung matapos na, dumating na ang marriage counselor namin. I wasn’t able to get her name pero sobrang light ng approach nya. Mabait at marunong syang makinig. Dun lang kami sa sulok ng office nag-meeting. Sya yung nasa gitna tapos naka-semi circle kaming tatlong couples. Nagdiscuss sya about sa karapatan ng mga kababaihan, karapatan ng mga bata at grounds for annulment. Enjoy yung discussion at feeling ko, kami ang pinakamatanda ni Maries dun. Yung isa kasi 20 years old lang. Binasa namin isa-isa yung mga sagot namin sa questions. Kami rin ang nag-check ng sarili naming papel. May question dun na parang ganito : “Ang pakikipagtalik ay” : (a) responsibilidad ng asawa (b) Expression of Love (c) Others – Yung isang guy sa seminar ang sabi responsibilidad daw. He he. Wrong. Dapat expression of love. Eto pa ang nakakatawa, bumalik uli sa question na : “Kapag ayaw makipagtalik ng aking mister/misis ako ay” :(a) manonood ng TV (b) matutulog (c) mang-aakit (d) others Syempre nakakahiya man, sinabi ko na “matutulog nalang ako” he he. Surprisingly, ang tamang sagot daw dapat ay (c) mang-aakit. Ayos yun. Nung araw na yun, ang word for the day ay “ Banayad or Gentle”. Wala lang. Enjoy talaga yung counseling. After nito, nagbigay na ng certificate. Balik uli kami sa Civil Registry – window 10. sabi nung manong, kailangan parin naming mag-attend ng Family Planning Seminar bago mag-apply for Marriage License. In short, pending pa ito. We will go back on November 24 para mag-seminar at ipasa ang mga requirements like Parental advise (with signature), Filled-out Marriage License application form, pictures, baptismal or birth certificate photocopy, cedula at certification na naka-attend kami nung pre-marriage counseling and family planning seminar (photocopy).

After this very busy daw, nanuod kami ng Harry Potter – Goblet of Fire sa SM Fairview. Ang ganda. As in. Pero mas type ko kasi yung naunang movie nila, yung bumalik sila sa nakaraan at pinahinto ang oras. Dinner at Kenny. We also tried to look for fairy wings for our flower girls kaso out of stock na eh. So hahanap nalang kami sa ibang mall.

Checklist:

Canonical Interview – Done. 11/16/05 (11am – 12nn)
Marriage License – Still In-Process ( 10days processing after completion of requirements )
CENOMAR – Still in-process (9 days processing after payment) – for delivery c/o E-Census


Highlights:

* I applied on-line via E-census for our CENOMAR. Mahal nga lang P800 sa aming dalawa na yun at sa Union bank ko pinabayaran c/o manong boni. Hopefully, wala na ngang maging hassle. I hope ma-deliver na ang mga ito agad by November 28, 2005. Sina pinks at mai ang in-authorize ko para kumuha nito.

AnG giFt Ni MaRiChELL alyas HoNeY

Maaga akong umuwi ngayon para magbigay ng P7,000 down payment for the gowns. Habang papauwi na’ko, tinext ko ang isa sa mga maid of honor ko na si Honey to check kung available sya para magpasukat. Buti nalang nasa bahay sya kaya nagkita nalang kami sa labas ng subdivision namin at sabay kaming pumunta sa mananahi. Hay, nagsama na naman kami ni Honey , sya rin yung kasama ko noong elementary at high school na nag-eexplore ng mga lugar hanggang sa magkaligaw-ligaw na kami. He he. This time, hindi kami naligaw. Madali naman kasi hanapin yung place eh. Yung mananahi ko pala ay sya ring nagtahi ng gown ni honey nung debut nya. Pina-receive ko kay ate fe yung money at nakakatawa yung receiving copy nya, parang lumang papel na manilaw nilaw pa … parang gaya nung invitation ko. Makaluma. He he.

Sabay kaming umuwi at naglakad nalang kami. She’s planning to make presentation for me during the reception. Basta ako na lang daw ang mag-provide ng LCD. Iniisip ko nga kung paano maisisingit yun eh may program pa tapos 2 hours lang kami sa Shangri-la.

Highlights:

*Na-touch ako nung binigay na ni honey yung gift nya habang naglalakad kami papunta sa mananahi. Cash worth P1,500.

SuKaT nG GoWn & 50% PaYmEnT sA sHaNgRi-La

Thank God it's Sunday once again. Ibig sabihin, may time na naman uli kami para mag-asikaso ng mga bagay-bagay.

Morning, dinala ko sila Anjo, Ara at Bilo kasama sila Auntie at Uncle sa mananahi. Good thing, ginamit namin yung fx nila kaya mas napadali ang lahat. Nauna na sila Vhalle at Baching sa mananahi para magpasukat. Masaya naman ang nangyari. Nagkakilala si ara at baching, ang dalawang flower girls. Sinukatan narin ako para sa gown ko. huh! 27 inches ang waistline ko - ang saya diba. Wag nalang nating itanong ang sukat ng braso ko. he he. Hindi muna ako nagbigay ng downpayment kasi nakalimutan kong ihanda yung cash. Sa Wednesday nalang siguro bago ako umalis for our Canonical Interview. Bumili rin pala kami ng masarap ng relleno kay ate fe (yung designer).

Hapon, sinama ko si Bilo at pumunta kami sa office ng Honey ko. As usual, naghintay na naman kami ng matagal. The three of us went to SM Lazaro at syempre pag nandun, isa lang naman ang kinakain ko -- Kindori - isang masarap na ice cream na matatagpuan sa second floor. Sa SM kami nagkita-kita nila Nanay, Daddy at Mae. Nagdalawang taxi kami papunta sa shangrila restaurant.

Pagdating dun, inorder namin lahat ng nakalagay sa package at in-fairness, ang sarap ng mga pagkain as in sarapissima muah! Sumakit na nga yung chan ni Bilo dahil sa dami ng nakain nya eh. Nagustuhan ko yung sliced beef with seasonal vegetable, yung yeung chow fried rice na parang ulam narin at yung boneless chicken w/ kingdao sauce. Marami pang ulam gaya ng prawns with spicy sauce, fried pork spareribs w/ chili sauce, pancit canton at assorted cold cuts combination.Syempre may iced tea na kasama. After naming kumain, we went to reservation area and we discussed some of our comments and requirements with Maila. Sobrang accommodating sya at marami syang suggestions kaya naging masaya yung pag-uusap namin. Natuwa pa kami dahil nung sinabi namin na puro taba yung spareribs, lumabas siya agad at pinaalam sa manager. Ganun daw talaga sila, masyado nilang pinahahalagahan ang komento ng customers lalo na sa pagkain. Sayang yung seasonal vegetable...papapalitan sana namin ng broccoli instead of baguio beans kaso may additional pala na P100.00 per table kaya wag nalang. Nakakatuwa nga si Nanay dahil sobrang mas nag-aalala pa sya sa mga guests kaysa sa amin. Atleast, we know na hindi kami matataranta pag araw na ng kasal namin dahil kayang i-handle ni Nanay. Isa pang pinag-usapan namin ay yung time of serving, 15 minutes kasi ang waiting time kaya dapat i-advise sila ng maaga na i-serve na yung food dahil lulutuin pa yun. Kailanga parin namin asikasuhin ni Maries yung seating arrangement per table para naman magkakakilala yung magkakatabi during reception.

Naging maayos naman yung pag-uwi namin sa bahay. Babalik pa sana kami ni Bilo sa mananahi para ibigay yung downpayment kaso masakit na talaga yung chan ni sister eh nakakaawa naman kaya diretso uwi nalang kami.

Checklist:

Shangri-la Restaurant - 50% downpayment - Nov. 13, 2005

Gowns - 7 more to go - honey,mae,rossette,janis,sam,ging,cherry.

AnG iMbiTasyOn - 50% DoWnPaYmEnT

Matapos ang aming learning session sa office, hinimok ko si Mai na sumama sa akin para mag-order na ng invitation. Sinundo kami ni Maries sa TP bago kami dumeretso sa Recto. Hah! tagumpay ako. For the first time, naalala ko kung saan yung pwesto nung supplier. eh ako pa naman kasi si kalimot. he he! Dahil naging 100 pieces nalang yung ipapagawa namin, medyo nagtaas si John Rey ng presyo. Okay narin dahil nung ginawan nya kami ng sample without print, bale yung magiging itsura nung invitation, nagustuhan ko talaga. I'm glad na-appreciate din ni mai yung design. I gave him the complete list, kulang nalang pala yung pangalan nung isa kong ninang, babalik kami next sunday para tingnan yung lay-out at i-proof read lahat. Hopefully, 2 weeks from now, makakapag-schedule na'ko ng overnight sa amin with mai, pinks and vhalle para magdikit ng mga dried flowers sa invitation at tags para sa souvenirs and invitation.Yung twine nga pala na gagamitin for the cards were provided by john rey. Nung makita ko yun, nakahinga ako ng maliwag dahil hindi na'ko sisiksik sa kadulu-duluhan ng yangco sa divisoria. Nagbigay nalang kami ni Maries ng P50.00 sa kanya for the effort.

Medyo gumaan na naman ang load namin ng Honey ko. I hope na maging maganda ang kalabasan ng lahat. By last week of November, dapat ay nai-distribute ko na ang mga invitation.

Thanks to mai sa pagsama. Bago umuwi, kumain kami sa sizzling sa Blumenttrit. Masarap dun, bale yun yung unang kanto, right side, bago ka tumawid ng riles papunta sa blumenttritt station ng LRT. Next time, yayayain namin dun si pinks and the rest of the gang para kumain.

Checklist:

Invitation - 50% downpayment - November 12,2005

inViTaTiOn aT MgA GoWnS

Today is our 7th year and 5th month anniversary.Nakakahiya dahil nakalimutan ko iyon sa sobrang pagiging busy ko sa pagaasikaso ng lahat. HOney ko pa yung nagpaalala sa akin.

Akala ko mag-isa lang akong maglalakbay ngayon. Hah! buti nalang nahimok ko ang aking bestfriend valerie na sumama sa mga lakad ko today. sobrang dami nga aming daldal mula sasakyan hanggang sa paglalakad kaya tuloy mula isetann hanggang divisoria ay nakuha rin naming lakarin ng walang reklamo.he he!

Sobrang natuwa kami dahil tatlong invitation suppliers palang yung napuntahan namin pero nakita na namin agad ang gusto ko at sa tamang presyo.

Concept: 1-page invitation na naka-fold lang sa tatlo, sinamai ang cover, may dried flower na ididikit sa labas at merong nakasabit na tag sa labas din to know kung para kanino yung invitation.

From P30 per piece ay naging sobrang baba pa nya. Yung nga lang, dahil makiling paper ang gamit (yung mukhang recycled paper), wala nang picture at hindi naka-emboss yung details dahil masusunog daw yung papel during printing.Kami rin pala yung bibili ng flower at card.

Sobrang excited na nga kami ni vhalle na makita yung finish product eh. kailangan ko munang kompletuhin yung list ng entourage bago ako mag-order. Natuwa rin ako dahil sobrang cool si John Rey. sya yung nandun sa pagawaan ng invitation. sabi pa nya "babalik ka ha. pag hindi ka bumalik, magiging kamukha kita." he he.

After nito, nakarating kami ni vhalle sa Yangco malapit sa KP tower para lang bumili ng dried flowers at leaves na gagamtin sa invitation. Nakabili kami nun sa Pasillo B # 54 pero for sure, hindi ko na alam uli kung papaano makarating dun. ang laki kaya ng divisoria.

Sobrang napagod kami kaya nagpadyak nalang kami mula divisoria hanggang sa office ng honey ko. umabot ng P60.00 yung pamasahe pero okay narin yun kaysa maglakad.

Mga bandang 4:30 pm, nagkita-kits kami nila nanay, daddy, mae , ako, vhalle at maries sa tutuban national bookstore para mag-canvass ng gowns. Sobrang na-touch ako dahil kahit na nakakapagod maglakad, talagang todo suporta parin ang aking future family.Marami kaming napagtanungan pero mahal ang presyo.

Sa huli, napagdessyunan namin a magpatahi nalang ng gown kay ate fe na malapit lang din sa amin. ni-refer sya ni vhal.

Highlights:

*nagpunta rin kami kay ate rosie nung umaga para nga magtanong kung magkano ang magpatahi sa kanya. sobrang baba nung price pero wala kasi kaming makitang sample kaya kay ate fe nalang kami.

*nag-lunch kami ni vhal sa isetann sizzling.

*kumain kaming anim ng dinner sa Max tutuban branch.

*sa goldilocks tutuban, nakakita narin kami ni maries ng design ng cake na gusto namin. semi-fondant sya pero maganda. ang tawag sa design ay "true love" pero ang ordering pala ng cake ay 3weeks before the wedding at sa quezon city nalang daw kami mag-order. as much as possible, yung malapit sa church.

*magpapasukat na'ko ng damit kay ate fe at sa kasama nyang mananahi sa sunday ng umaga, november 13,2005.

Checklist:

INVITATION - John Rey 7343031

GOWNS - Ate Fe 9376580

CAKE - Goldilocks "True Love"

AnG SoUvEniR at AnG PhOtO - ViDeO

Hay salamat! buti nalang at Ramada kaya walang pasok today.

Nakipagkita ako kay erly at mai sa tutuban. Doon sa may rebultong nagchecheck ng attendance ang tagpuan namin.

Ang sikip at ang init ng binaybay namin para lang maghanap ng aking souvenir na courtesy of my friend thet. same concept kasi iyun gaya nung sa wedding nya. color lang ang nag-iba.Halos lahat ng pinuntahan namin sa 168 at Divisoria Mall ay ayaw magbigay ng souvenir na iisa lang ang kulay. Gusto nila, kung bibili kami, dapat assorted daw. Pede ba naman yun? eh ang motiff ko ay blue lang. Hay ang hirap mag-explain.

Buti nalang nakita namin yung stall ni Jhake na taiwanese sa divisoria mall. Nung sinabi nyang meron syang ganung item, tinanong agad namin kung may available na syang 200 pcs at sabi nya meron daw. So, natuwa kaming tatlo kaya agad nakipag-tawaran sa presyo. Ang souvenir na P35.00 ay naging bagsak presyo. ayos talaga. Nagdeposit muna kami ng pera dahil kulang ang cash na dala ko. Nakipagkita pa kami kay Maries sa Robinsons para kumuha ng money.

Bago pumunta sa Divi, nag-lunch kami sa Wah Sun. Busog na busog kaming lahat. Ang sarap eh.

Quality Control : More than 200 pcs ang binibigay nila dahil hindi pa nila na-check kung ano yung may damage at kung ano yung wala. Eh naka-box isa-isa yung items kaya sa tulong ni mai at erly, napagdesisyunan naming buksan isa-isa yung mga box hanggang sa makabuo ng 200 pcs na pasado sa quality control. Imagine, nakaharang kami dun habang ang daming dumadaan na buyers at kami naman ay nagbubukas at nagbibilang ng mga souvenirs. Ang kulet pero ang saya.

Highlights:

*napagtripan ni mai si Jhake mula sa buhok, pananamit, educational attainment at pagsasalita ng english. Aba! nagvovolunteer ang lola mo na magtutor kay Jhake na isang 26-year old taiwanese. In fairness, cute sya kaso suplado ng konti.

*pinagselosan ni mai yung isang babaeng taiwanese na buyer dahil kinakausap nito si Jhake. he he!

*dahil nakabalandra kami dun, napagkakamalan narin kaming tindera kaya pinangatawanan na namin. pag may nagtatanong, binibigay namin yung presyo. take note, ang daming nagtanong kung magkano yung souvenir ko, ang sabi namin 35 pesos. syempre dapat makipag-negotiate muna sila sa price noh.

After naming bitbitin ang sobrang bigat na mga souvenirs, dumeretso kami sa BA studio gamit ang padyak. Medyo nahirapan kaming hanapin yung place pero dahil sa mga karatulang may arrow na nagsasabing this way to BA studio, natunton namin iyon.

Sumunod nalang si Maries sa BA studio at malamang ay nakatulong din ang mga arrows na nagsasabing this way to BA studio.

Mula sa original price na 38k, nakuha pa naming matawaran ito, yun nga lang, nagtanggal ng isang photographer. So, nagkapirmahan na ng kontrata. Nakatulong talaga yung pagbabasa ko ng mga guide about wedding prep kasi talagang binusisi ko yung kontrata at talagang naisingit ko pa na bigyan kami ng raw materials - ung unedited copy ng video. Masscomm grad kasi kami ng honey ko kaya kung hindi namin magustuhan yung editing, kami nalng magpapa-edit diba.At saka ni-request ko rin na kung sino yung photographer sa pre-nuptial photo shoot, sya narin dapat yung sa wedding para comfortable na kami sa isa't isa at alam ko na yung capabilities nya.

Highlights:

*si erly at si mai, nangulit na naman sa BA studio. akalain mo ba namang pagtripan ang mga sample videos. tawa lang sila ng tawa. he he!

*ang palayaw ng photographer ko ay LT . Sa totoong buhay, ang pangalan nya ay Lorna Tolentino. Cute!

*naka-schedule na ang pre-nuptial photo shoot namin ng honey ko sa Novemeber 21,2005 sa Baywalk.

*may free guestbook na nakakahinayang sulatan dahil dun din ilalagay yung ibang pre-nuptial pictures namin.

Checklist:

Photo & Video - BA STUDIO - paid reservation fee

Souvenir - 200 pcs from Divisoria Mall

mY fAiRy GoDmOtHeRs

Ang dami kong deliverables. Yung Birth Certificate, yung finalization ng list sa entourage, mga concerns sa office at yung KUMPIL.

Siguro sobrang nabibingi na si Lord sa kakadasal ko na tulungan Niya ako. Kaya naman blessing in disguise ang pagkakasabay namin ni Billie sa LRT.

Ang dami naming napag-usapan. Mula sa theme ng wedding, motiff, photo & video, pati narin yung church na pwedeng pagkumpilan. Sabi nya, subukan ko raw sa San Miguel Church.

Aba! akalain mo ba naman, sobrang okay itong araw na ito. When I told Mai & Pinks about my problem about the confirmation, ang bilis ng pagdating ng tulong.

Tinawagan nila yung church at sakto, may kumpil nga every Thursday, Saturday & Sunday.

Naisip ko, since Thursday naman ngayon, kakayanin ko nang magpakumpil. So, nagpaalam na'ko kina EVH, SBP, SMP at kay mother MAF para maghalf-day. Buti nalang at pumayag sila.

Ang tanong, sino ang magiging Ninang ko? ... Eh di ang tatlong fairy Godmothers sa Asmira, Mai, Pinks & Joan. He he...Para lang kaming magkakalaro dahil; hindi nagkakalayo ang mga age namin. So, barkadahan ito.

Highlights:

*cool ang commentator na kalbo. sabi nya:

"ang kinukumpilan ay mga batang 12 years old.kapag ang nagpapakumpil sa amin ay higit pa sa ganung edad, isa lang ang ibig sabihin nun, MAGPAPAKASAL sya. Itaas ang kamay ng mga magpapakasal ..." - - -At madaming nagtaas ng kamay. he he!

"humawak kayo sa kukumpilan at huwag sa pari.Baka magulat sa inyo si Father." --- ang kulet!

"..at pagkatapos nito, sa akin nyo kukunin ang PINAKAAASAM-ASAM NYONG CERTIFICATE." --- may point naman sya dun ;)

*si joan, ipinatong ag kaliwang kamay sa kaliwang balikat ko. pasaway... dapat kanang kamay sa kanang balikat.

*kumain kaming apat sa lyka's tapsilogan bago ako nagpakumpil.

*pagbalik namin sa office, nalaman ni ninang Pinky na sya ang ipapadala sa Iloilo kapalit ko. So medyo nagulat ang ninang ko, pero i'm sure na kakayanin nya yun.